(NOTE : READ IT !! BUT DONT TAKE IT PERSONAL , ITS JUST AN ARTICLE !!! PERSONALY NOTHING HARSH RELATED TO IT !!! DO TELL ME MY MISTAKES & ALSO TELL ME DO YOU LIKE IT OR NOT??? )
Elm ek taqaat hay ya kamxori???
Bachpan se mujhey yehi mere papa nay sikhaya hay key elm ek taqaat hay.baray buzurgh b yehi kehtey hain k sona, chandi , herey , moti ko koi b chora sakta hai ; yahan tak k apki taqat ko koi b nidhal karsakta hai; magar elm ek aisi taqat hai jisko koi mayi ka lala apsey cheen nai sakta.
Yeh sari jhooti baatien hain !!! mein nahi maanti !!!
Taqreeban 19 saal sey mein in baton ko sach samajhti rahi ; magar 24th oct 2009 mein howay “IIU attack” ney meri ankhon par se is jhoot k parday ko haat diya. Is wajah se mein inkar karti hoon in sab baray buzurgon ki baton ko manay se!!!!
Dehshat gardoon ney humsey yah taqaat b cheen li ; aur humari hukumat k nomainday hath pe hath dahray tamasha dekhtey rehgaye!!!
Aisa lagta hay k siyasat danoon ney churiyan pehn li hain; aisa lagta hai jaisa unka kch lena dena hi nai hai Pakistan ki education condition se ; unhon ney koi khaas security intezamaat nai kiye ; humaray siyasat danoon ki is nahili ki wajah se kya kch nai howa ; IIU par attack howa , kitne talib-e-elm shaheed hogaye , balochistan k education minister par attack howa , educational institutions puray haftay k liye bandh hogaye woh b examz k near , kch taleemi idaray abhi tak bandh hain aur jo khul gaye hain un mein koi security ka khaas intezam nai hai!! Yeh humaray mulk aur quam k liye bht khatarnaak baat hai!!! Magar humaray sadar sahib ko koi fikar hi nai parta !! woh kabi kisi k saath lunch karahay hain tyou kisi k sath dinner !!! eur humari awam bhooki maar rahi hai!!!
Waise zardari shaab ko kyun dukh hoga unkay bachay thori na shaheed howay hain ! unkay bachay thori yahan hain k itne khatar naak halat mein school , college ya phr university jatay hain!!! Itni critical condition mein b zardari shab ki batisi chamak rahi hai!!! Mein kehti hoon k bolao ASFA , BAKHTAWAR aur BILAWAL ko!! Behjo unko school, college & university; itni khowfnak sorat-e-haal mei ; mein dekhna chahti hoon k zardari sahib ki batisi kitni dair tak chamakti hai !!
Aisi sorat-e-haal mei bachon ka school college &university jana kitna mushkil hai ; unkay walidein par kya guzarti hogi jab unkay bachay laut kar nai atay??? Chotay se chota bacha khowf zada hai !!! magar humaray siyasat danoon ko kuch farak nai parta !!!!!!!!!!
Ek kahawat hai :
Parhogaye likhogaye, banogaye nawab;
Khilogaye kudogaye, hojaogaye kharab;
Kaise parhain? Kahan parhain? Tamam taleemi idaray tou bandh karwa diye hain!!! Aur jo khulaye howay hain un mein security ka koi khaas intezam nahi… mujhey koi gurantee desakta hai k hum sab students mahfooz raheingaye is security mein??kya koi yeh yaqeen dila sakta hai k ab koi taleemi idarah dehshat gardon ka nishana nai banaye ga ?? kya koi hai jo humari jaanon ki hifazat karay ga??? Yeh sawal har student pochna chahta hai apnay politicianz se!!!!
Agar humaray Pakistan k yehi halaat rahey tou hum apna mustakbil kaise banaingaye?? Humara Pakistan kaise taraki karay ga???
Hum apni aney wali naslon ko kya seekhaingaye??
Mein ilteja karti hoon siyasat danoon se k humaray is Pakistan aur elm ki taqat ko mehfooz karien!!!!!
Pakistan zindabad!!!
No comments:
Post a Comment